Hachalu Hundesa

ኢትዮጵያ የ80 ቀለማት ውሕድ ሥዕል ናት፤ ኢትዮጵያዊነት ሱስ ነው / ድምጻዊ ሀጫሉ

ሬዲዮ ፋና:- ‹‹ለአንተ ኢትዮጵያ እና ኢትዮጵያዊነትን ምንድነው?››
ድምፃዊ ሀጫሉ፡- ‹‹ለእኔ ኢትዮጵያ የቀለም ውሕድ ሥዕል ናት። ኢትዮጵያን ስንሥላት 80 ቀለማትን ቀላቅለን ነው የምንሥላት። እነዚያ 80 ቀለማት የኢትዮጵያ ብሔር ብሔረሰቦች ናቸው። ለእኔ ኢትዮጵያዊነት የ 80 ብሔር ብሔረሰቦች ድምር ውጤት ናት። በኢትዮጵያዊነቴ ማንም ሰው አንተ ‹ኢትዮጵያን አትወድም ወይም ትወዳለህ› ሊለኝ አይችልም። ምክንያቱም ቅድመ አያቴ ‹ቦንሲቱ ቃበታ› ከዚህ መቀሌን ነፃ ለማውጣት በእግሯ ስትጓዝ ኦሮሞ እዚያ ስለነበረ አይደለም። እኔ የአያቴ አስክሬን ሲሸኝ አውቃለሁ፡፡ በፈረስ ሲፎከርላት የነበረው ‹ቦንሲቱ ጋፋ መቀሌ› መለትም ‹ቦንሲቱ ያኔ በመቀሌው ጊዜ› እየተባለ ነበር አስከሬኗ የተሸኘው። በሕይወት የሌሉ ቅድመ አያቶቼ የኢትዮጵያን ዳር ድንበር ለማስከበር አጥንታቸውን ከስክሰዋል። ማንም ሰው ሀጫሉ በኢትዮጵያዊነቱ ላይ እንደዚህ ያለ አቋም አለው ወይም የለውም የማለት መብት የለውም፡፡ ምክንያቱም እኔ ስለማውቀው። ኢትዮጵያዊነት ሱስ ነው። ምክንያቱም 80 ቀለማት ስላለው።››

ሬዲዮ ፋና:- ‹‹ከሎሬት ጸጋዬ ገ/መድኅን ምን ተማርክ?››.
ድምፃዊ ሀጫሉ፡- ‹‹(ከሎሬት ጸጋዬ የተማርሁት ዋናው ነገር) ኢትዮጵያዊነታቸውን እና ኦሮሞነታቸውን እንዴት እኩል እንዳስኬዱት ነው።››

(ሀጫሉ የሎሬት ጸጋዬ ገ/መድኅን ዘመድ እንደሆነ ይነገራል)፡፡

Facebook Comments

Post Author: መላኩ አላምረው

መላኩ አላምረው
Melaku Alamrew