Hailemariam Desalegn

የቀድሞው ጠ/ሚ ኃይለማርም ደሳለኝ የዶ/ር ዐቢይንን ንግግር በሰሙ ጊዜ

የቀድሞው ጠቅላይ ኃይለማርያም ደሳለኝ የዶ/ር ዐቢይን የፓርላማ ንግግር ከባለቤታቸው ጋር ቁጭ ብለው መነጽራቸውን እየቀያየሩ እየተመለከቱ ነበር።

.
መሐል ላይ…. “እኔ ‘ምለው ሮማን… ጠቅላይ ሚኒስትር እንዲህ የመናገር ስልጣን አለው እንዴ?” ብለው ጠየቁ።
ደርባባዋ ወ/ሮ ሳቅ ብላ…. “አይ ኃይልዬ… እኔን ትጠይቀኛለህ? ጠቅላይ ሚኒስትር የነበርህ እኮ አንተ ነህ” አለችው። ኃይልሻ አፍሮ አቀረቀረ።
ካቀረቀረበት ቀና ያደረገው የጠ/ሚ ዐቢይ “አሸባሪዎች እኛው ነን” የሚለው ቃል ነበር። የሰማውን ማመን አቃታቸው።
ዐቢይ ቀጠለ…. “ከፌዴራል እስከ ወረዳና ቀበሌ ገራፊ ፖሊስ አሰማርተን ዜጎችን ያሰቃየንና አካል ያጎደልን እኛው ነው። ሕገ መንግስቱ በጨለማ ቤት አስራችሁ አሰቃዩ ይላል?”
ኃይልሻ ሮማንን ጠየቀ…. “አይልም እንዴ ሮምዬ?”
ደርባባዋ ሮማን አሁንም ፈገግ ብላ…. “ኧረ አንተ ሰውዬ ተው… ፈጽሞ ማይታሰብ ማሰብ ጀመርህ እኮ… አመመህ እንዴ?”
ኃማደ መልሶ ጠየቀ… “እና ሕገ መንግሥቱ የማይፈቅደውን ነው እንዴ ሲያደርጉ የነበረው?”
“እነማን?”
“እነርሱ ናቸዋ”
.
ጠ/ሚ ዐቢይ ቀጠለ… “…ሕዝብ እኛን ጠራርጎ ማሰር አቅቶት አይደለም ያላሰረን። ይቅርታ አድርጎልን እንጅ ለማሰር ሰበብ አያጣልንም ነበር። ቢያንስ ሌብነታችን በቂው ነበር። …እኛ ይቅር ተብለን ሳንታሰር እየኖርን ሌላው ሲፈታ ለምን ዓይናችን ይቀላል?”
ኃማደ የበለጠ ግራ ገባው…. “ጠቅላይ ሚኒስትር በል ያልተባለውን መናገር ቻለ ማለት ነው ወይስ ይህን እንዲል ተፈቀደለት?” ሲልም ጠየቀ።
ዐቢይ ሊያጠቃልል ሲል…. “ግንቦት ሰባትም ሆነ ሌላ የታጠቀ ኃይል… ወደ ሀገር ኑና እንደራደር….”
ይህኔ ኃይልሻ ምን አለ…. “በየሱስ ስም! ሲጨርስ ንገሪኝ ሮሜ…” 🙂
።።።።።።።።።
ከቀልዱ ስንመለስ የቀድሞውን ጠቅላይ ሚኒስትር ኃይለማርያም ደሳለኝን ማመስገን ይገባል። እርሱ ባይለቅ ዐቢይን ማን ያይ ነበር?! በሌላ አባባል የእርሱን ንግግር ባንሰለች በዐቢይ ንግግር መቼ እንደዚህ ሐሴት እናደርግ ነበር

Facebook Comments

Post Author: መላኩ አላምረው

መላኩ አላምረው
Melaku Alamrew